Indesit BTW S50400 handleiding
Handleiding
Je bekijkt pagina 43 van 48
ZBARDHIMI
Lajini rrobat me programin e dëshiruar, Të pambukta ose Sintetike
, duke shtuar një sasi të duhur zbardhuesi me klor në dhomëzën
e Zbutësit (mbylleni kapakun me kujdes). Menjëherë pas përfundimit të
programit, rrotulloni "Përzgjedhësin e programit" dhe filloni programin
e dëshiruar përsëri për të eliminuar çdo aromë klori që mund të ketë
mbetur; nëse dëshironi, mund të shtoni zbutës. Mos vendosni asnjëherë
në të njëjtën kohë, edhe zbardhues klori edhe zbutës bashkë në
dhomëzën e zbutësit.
SUGJERIME DHE KËSHILLA
Ndajini rrobat sipas
Llojit të rrobës/etiketës së larjes (pambuk, fibra të përziera, sintetike, të
leshta, rroba që duhen larë me dorë). Ngjyrës (ndajini artikujt me ngjyra
nga ata të bardhë, lajini veçmas artikujt e rinj me ngjyra). Delikateve
(lajini artikujt e vegjël si çorapet prej najloni dhe artikujt me grepa si
reçipetat, duke i futur në një çantë rrobe ose këllëf jastëku me zinxhir).
Zbrazini të gjithë xhepat
Sendet si monedhat ose çakmakët mund të dëmtojnë edhe rrobat,
edhe kazanin e lavatriçes.
Pjesa e brendshme e lavatriçes
Nëse nuk e keni përdorur asnjëherë ose vetëm rrallë me 90°C,
rekomandojmë që me raste të përdorni një program me 90°C por pa
rroba, duke shtuar një sasi të vogël detergjenti, për ta mbajtur të pastër
pjesën e brendshme të lavatriçes.
Ndiqni rekomandimet për dozat/aditivët
Kështu do të optimizohet rezultati i pastrimit, do të shmangen mbetjet
acaruese të detergjentit të tepërt në rrobat tuaja dhe do të kurseni para
duke shmangur shpërdorimin e detergjentit të tepërt.
Lani në temperaturë të ulët dhe për një kohë më të gjatë
Programet me temperatura më të ulëta dhe me kohëzgjatje më të
madhe zakonisht janë më ekase për sa i përket konsumit të energjisë.
Respektoni madhësitë e ngarkesës
Ngarkojeni lavatriçen deri në kapacitetin që tregohet në tabelën
“SKEDA E PROGRAMEVE” për të kursyer ujë dhe energji.
Zhurma dhe lagështia e mbetur
Këto ndikohen nga shpejtësia e rrotullimit: sa më e lartë të jetë
shpejtësia e rrotullimit në fazën e rrotullimit, aq më e lartë është zhurma
dhe lagështia e mbetur.
PASTRIMI DHE MIRËMBAJTJA
Për çdo seancë pastrimi dhe mirëmbajtjeje, fikeni lavatriçen dhe hiqeni
nga priza. Mos përdorni lëngje të ndezshme për të pastruar lavatriçen.
Pastrojeni dhe mirëmbajeni herë pas here lavatriçen (të paktën 4 herë
në vit).
Pastrimi i pjesës së jashtme të lavatriçes
Përdorni një leckë të butë të lagur për të pastruar pjesët e jashtme
të pajisjes. Mos përdorni pastrues për xhamat ose përdorim të
përgjithshëm, pluhur gërryes ose produkte të ngjashme për të pastruar
panelin e kontrollit - këto substanca mund të dëmtojnë printimet.
Shpërndarësi i detergjentit
Pastrojeni rregullisht, të paktën tri apo katër herë në vit, për të
parandaluar grumbullimin e detergjentit:
Shtypni butonin e lëshimit për të çliruar shpërndarësin e
detergjentit dhe hiqeni. Në shpërndarës mund të mbetet një pjesë
e vogël uji, prandaj duhet ta mbani në pozicionin drejt. Lajeni
shpërndarësin me ujë të rrjedhshëm. Mund ta hiqni edhe kapakun e
sifonit në pjesën e pasme të shpërndarësit për ta pastruar. Rivendoseni
kapakun e sifonit të shpërndarësit (nëse e keni hequr). Rivendosni
shpërndarësin duke vendosur pjesën e poshtme të shpërndarësit në
hapjet e duhura në kapak, dhe duke e shtyrë shpërndarësin përkundrejt
kapakut derisa të hyjë në vendin e vet. Sigurohuni që shpërndarësi i
detergjentit të instalohet në mënyrë të saktë.
Kontrolli i zorrës së furnizimit me ujë
Kontrolloni zorrën e hyrjes rregullisht për plasaritje dhe çarje. Nëse
është dëmtuar, zëvendësojeni me një zorrë të re që mund ta merrni
përmes shërbimit të mbështetjes pas shitjes ose shitësit specialist.
Në varësi të llojit të zorrës: Nëse zorra e hyrjes ka veshje transparente,
kontrolloni në mënyrë periodike nëse ngjyra intensifikohet në zona
lokale. Nëse po, zorra mund të ketë rrjedhje dhe duhet të zëvendësohet.
Për zorrat e ujit me valvulë mbyllëse (nëse disponohet):
kontrolloni dritaren e vogël të inspektimit të valvulës së sigurisë (shihni
shigjetën). Nëse është e kuqe, është aktivizuar funksioni i ndalimit të ujit
dhe zorra duhet të zëvendësohet me një të re. Për të zhvidhosur këtë
zorrë, shtypni butonin e nxjerrjes (nëse disponohet) ndërsa zhvidhosni
zorrën.
Pastrimi i filtrave rrjetë në zorrën e furnizimit me ujë
Kontrollojini dhe pastrojini rregullisht (të paktën dy apo tri herë në vit).
Mbylleni rubinetin dhe lirojeni zorrën e hyrjes te rubineti. Pastroni
filtrin e brendshëm rrjetë dhe vidhoseni zorrën e hyrjes së ujit përsëri
te rubineti. Tani zhvidhoseni zorrën e hyrjes në pjesën e pasme të
lavatriçes. Hiqeni filtrin rrjetë nga lidhja me lavatriçen duke përdorur
pinca universale dhe pastrojeni. Rivendoseni filtrin rrjetë dhe vidhoseni
zorrën e hyrjes përsëri. Hapeni rubinetin dhe sigurohuni që nga lidhjet
të mos rrjedhë ujë.
Pastrimi i filtrit të ujit/shkarkimi i ujit të mbetur
Lavatriçja është e pajisur me një pompë vetëpastrimi. Filtri pengon
objekte si komça, monedha, gjilpëra kapëse, etj. që mund të kenë
mbetur te rrobat. Nëse keni përdorur një program me ujë të ngrohtë,
prisni derisa uji të ftohet para se ta zbrazni. Pastrojeni herë pas here
filtrin e ujit me qëllim që të pengohet mosshkarkimi i ujit pas larjes,
për shkak të bllokimit të filtrit. Nëse uji nuk shkarkohet, drita përkatëse
tregon që mund të jetë bllokuar filtri i ujit.
Hapeni kapakun e filtrit me një monedhë. Vendosni një enë të gjerë
dhe të sheshtë poshtë filtrit të ujit për të mbledhur ujin e shkarkimit.
Rrotullojeni ngadalë në drejtimin kundërorar filtrin derisa të fillojë të
rrjedhë uji. Lëreni ujin të rrjedhë pa e hequr filtrin. Pasi të mbushet
ena, mbylleni filtrin e ujit duke e rrotulluar në drejtimin orar. Boshatisni
enën. Përsëriteni këtë procedurë derisa të shkarkohet i gjithë uji.
Shtroni një rrobë pambuku poshtë filtrit të ujit, e cila mund të thithë
një sasi të vogël të ujit të mbetur. Më pas, hiqeni filtrin e ujit duke e
rrotulluar në drejtimin kundërorar. Pastroni filtrin e ujit (largoni mbetjet
që e bllokojnë dhe pastrojeni me ujë të rrjedhshëm) si dhe dhomëzën
e filtrit. Sigurohuni që rotori i pompës (në pjesën pas filtrit) të mos
pengohet. Futeni filtrin e ujit dhe mbylleni kapakun e filtrit: Futni sërish
filtrin e ujit duke e rrotulluar në drejtim të akrepave të orës. Sigurohuni
që ta shtyni deri në fund. Për të provuar nëse ka rrjedhje nga filtri i ujit,
mund të derdhni rreth 1 litër ujë në kazan dhe të kontrolloni nëse uji
rrjedh apo jo nga filtri. Pastaj mbylleni kapakun e filtrit.
Izolimi i kapakut
Kontrolloni kushtet e izolimit të kapakut rregullisht dhe pastrojeni hera-
herës me një copë të njomë.
Nxjerrja e një objekti që ka rënë midis kazanit dhe tubit
Nëse midis kazanit dhe tubit bie ndonjë objekt aksidentalisht, mund ta
nxirrni falë një prej filtrave të kazanit që mund të hiqen.
Hiqeni lavatriçen nga priza. Hiqini rrobat nga kazani. Mbyllini kapakët e
kazanit dhe bëni një gjysmë rrotullim (figura a). Me një kaçavidë,
shtypeni fundin plastik, ndërkohë që rrëshqitni ngritësin nga e majta në
të djathtë (figura b, c) me dorë do të bjerë në kazan. Hapeni kazanin.
Mund ta merrni objektin me anë të vrimës në kazan. Rivendoseni
ngritësin nga brenda kazanit: Vendoseni majën plastike mbi vrimë në
pjesën e djathtë të kazanit (figura d). Më pas, vendoseni me rrëshqitje
ngritësin plastik nga e djathta në të majtë derisa të puthitet në vend.
Mbyllini kapakët përsëri, rrotullojeni kazanin me një gjysmë rrotullim
dhe kontrolloni pozicionimin e tehut dhe të të gjitha pikave të
ankorimit. Vendoseni lavatriçen përsëri në prizë.
TRANSPORTI DHE MENAXHIMI
Nxirrni spinën elektrike dhe mbyllni rubinetin e ujit. Shkëputni zorrën
e hyrjes nga rubineti i ujit dhe hiqni zorrën e shkarkimit nga pika juaj e
shkarkimit. Largojeni pjesën tjetër të ujit nga zorrat dhe lavatriçja dhe
fiksojini zorrat në mënyrë që të mos dëmtohen gjatë transportimit. Për
të lehtësuar lëvizjen e lavatriçes, tërhiqni pak me dorë levën e lëvizjes
që ndodhet poshtë në pjesën e parme (nëse është e disponueshme për
modelin tuaj). Tërhiqeni lavatriçen deri te vendi i ndaljes me këmbë. Më
pas, shtyjeni levën e lëvizjes përsëri në vendin e saj. Rivendosni kllapat e
transportimit. Ndiqni udhëzimet për heqjen e kllapave të transportimit
tek UDHËZUESI I INSTALIMIT po me radhë të kundërt.
a
b
c
d
SQ
Udhëzuesi i shpejtë
Bekijk gratis de handleiding van Indesit BTW S50400, stel vragen en lees de antwoorden op veelvoorkomende problemen, of gebruik onze assistent om sneller informatie in de handleiding te vinden of uitleg te krijgen over specifieke functies.
Productinformatie
| Merk | Indesit |
| Model | BTW S50400 |
| Categorie | Wasmachine |
| Taal | Nederlands |
| Grootte | 9873 MB |
